浪漫花海打卡Cafe ~ 走過十萬八千里找到你
走過十萬八千里找到你除咗店名夠浪漫,環境佈滿唔同嘅乾花擺設,好啱擁有少女心嘅每一位去打卡!
本來諗住打卡餐廳食物質素未必會好,但竟然出乎意料之外,餐飲味道又唔錯喎!
是日餐湯(南瓜忌廉湯)+蒜蓉多士
用上可愛嘅貓貓杯盛載住南瓜湯,上枱時已經聞到好香嘅南瓜味,南瓜蓉味道濃郁,口感好creamy美味!同蒜蓉多士好夾,不過由於掛住打卡多士已經淋咗,如果即食應該會更加香脆。
法式蟹肉蝦膏汁扁意粉
睇落比較清,但配上蝦膏汁味道剛好!蟹肉鮮甜,加埋彈牙爽口嘅意粉一齊食口感好豐富。
三文魚子海鮮龍蝦汁意大利飯
賣相好吸引,多款海鮮及蔬菜粒豐富整個意大利飯,飯粒軟硬度適中,配上濃郁嘅龍蝦汁,好有咬口,食落好開胃,一啲都唔膩!
桂圓紅棗茶
大大杯溫暖我個胃
紅寶石巧克力
靚靚打卡特飲,飲品上嘅花瓣碎同花海環境主題好夾。味道方面有少許士多啤梨味及果肉,鮮奶味比朱古力重,唔會太甜及太濃,啱哂鍾意飲朱古力奶又怕肥嘅女士。
整體食物質素高,環境舒適唔嘈吵,加埋有靚靚打卡位,好啱閨密們傾心事啊!
走過十萬八千里找到你
旺角彌敦道575號Ladder Dundas10樓
@somedayoronedaycafe #走過十萬八千里找到你 #打卡cafe #打卡餐廳 #旺角美食 #旺角餐廳 #香港美食 #hkfoodies #foodieshk #openrice #openricehk #花花cafe #hkcafe #小夏美食情報 #美食圖鑑
gd